Good Memory

حافظہ اور یادداشت کیلئے بہترین عمل

ایک رات میں نے نبی کریم ﷺ کو خواب میں دیکھا آپ ﷺ نے فرمایا: اے مالک بن دینار! (رحمۃ اللہ علیہ) بے شک اللہ نے تجھ کو بخش دیا۔ جتنی مرتبہ تو نے میری امت کو نور کا ہدیہ بھیجا ہے اور اتنا ہی اللہ نے تیرے لیے ثواب کیا ہے مالک بن دینار رحمۃ اللہ علیہ کا خواب‘ حضرت مالک بن دینار رحمۃ اللہ علیہ اولیاء کبار میں ہیں فرماتے ہیں کہ میں جمعہ کی رات قبرستان میں گیا میں نے دیکھا کہ وہاں نور چمک رہا ہے میں نے خیال کیا کہ اللہ تعالیٰ نے قبرستان والوں کو بخش دیا ہے۔ غیب سے آواز آئی اے مالک بن دینار رحمۃ اللہ علیہ یہ مسلمانوں کا تحفہ ہے۔ میں نے کہا تمہیں خدا کی قسم ہے! مجھے بتاؤ مسلمانوں نے کیا تحفہ بھیجا ہے؟اس نے کہا ایک مومن مرد نے اس رات اس قبرستان میں قیام کیا اس نےو ضو کرکے دو رکعتیں پڑھیں اور ان دو رکعتوں میں سورۂ فاتحہ کے بعد پہلی رکعت میں سورۂ کافرون اور دوسری رکعت میں سورۂ اخلاص پڑھی اور کہا اے اللہ ان دورکعتوں کا ثواب میں نے ان تمام قبروں والے مومنین کو بخش دیا بس اس کی وجہ سے اللہ تعالیٰ نے ہم پر یہ روشنی اور نور بھیجا ہے اور ہماری قبروں میں کشادگی اور فرحت فرمادی ہے۔ حضرت مالک بن دینار رحمۃ اللہ علیہ فرماتے ہیں کہ اس کے بعد میں ہمیشہ دو رکعتیں پڑھ کر ہر جمعرات میں مومنین کو بخشتا۔ ایک رات میں نے نبی کریم ﷺ کو خواب میں دیکھا آپ ﷺ نے فرمایا: اے مالک بن دینار( رحمۃ اللہ علیہ) بے شک اللہ نے تجھ کو بخش دیا۔ جتنی مرتبہ تو نے میری امت کو نور کا ہدیہ بھیجا ہے اور اتنا ہی اللہ نے تیرے لیے ثواب کیا ہے اور نیز اللہ تعالیٰ نے تیرے لیے جنت میں ایک مکان بنایا ہے جس کا نام ’’منیف‘‘ ہے میں نے عرض کیا ’’منیف‘‘ کیا ہے؟ فرمایا! جس پر اہل جنت بھی جھانکیں گے۔ (شرح الصدور صفحہ 128)     حافظہ کیلئے خاص عمل  علماء‘ طلباء اور عوام کے نام اول و آخر ایک ایک مرتبہ درود شریف درمیان میں سات مرتبہ یہ دعا اَللّٰھُمَّ نَوِّرْ قَلْبِیْ بِعِلْمِکَ وَاسْتَعْمِلْ بَدَنِیْ بِطَاعَتِکَ 2۔ اسلامی مہینے(چاند) کے پہلے بدھ کو طلوع آفتاب سے لیکر غروب آفتاب تک اول و آخر تین دفعہ درود شریف درمیان میںکام کاج بھی کرتا رہے اور یہ دعا مسلسل پڑھتا رہے پھر جب کسی کتاب کا مطالعہ کرنے لگے تو اول و آخر تین مرتبہ درود شریف درمیان میں تین دفعہ یہ دعا پڑھ لے انشاء اللہ مطالعہ نہیں بھولے گا۔ یَااَللّٰہُ الْمُسْتَعَانُ عَلٰے مَاتَصِفُوْن 3۔ مطالعہ کرنے سے قبل درود شریف اول و آخر تین مرتبہ درمیان میں یہ دعا اَللّٰھُمَّ افْتَحْ عَلِیَّ فُتُوْحَ الْعَارِفِیْنَ بِحِکْمَتِکَ وَانْشُرْ عَلِیَّ رَحْمَتَکَ وَذَکِّرْنِیْ مِنْہُ مَانَسِیْتُ یَاذَاالْجَلَالِ وَالْاِکْرَامِ۔ 4۔مطالعہ کے بعد یہ دعا پڑھ لیں انشاء اللہ مطالعہ مضبوط ہوجائے گا۔ بِسْمِ اللہِ الرَّحْمٰنِ الرَّحِیْم۔ بِسْمِ اللہِ وَلَا اِلٰہَ اِلَّا اللہُ وَاللہُ اَکْبَرُ وَلَاحَوْلَ وَلَا قُوَّۃَ اِلَّا بِاللّٰہِ عَدَدَ کُلِّ حَرْفٍ کُتِبَ اَوْ یُکْتَبُ اَبَدَ الاٰبِدِیْنَ وَدَھْرَ الدَّاھِرِیْنَ یَارَبَّ الْعَالَمِیْنَ۔